सन २०१० सालची महा पक्षी गणना २४ ते ३१ जानेवारी या कालावधीमध्ये संपूर्ण महाराष्ट्रात घेण्यात आली. पक्षांची मोजदाद, त्यांची सद्य परिस्थिती या माहिती बरोबर सर्वसामान्य माणसांना पक्षीनिरीक्षणाची गोडी लागावी हा गणनेचा हेतू होता. गणनेसाठी संघटनेचे सभासद व सर्व निसर्गप्रेमींना सहभागी होण्याचे आवाहन संस्थेचे अध्यक्ष भाऊ काटदरे व गणनेचे संयोजक व संघटनेचे सहसंघटक शरद आपटे यांनी केले. या गणनेत संघटनेकडे ५१ ठिकाणांचे रिपोर्ट दाखल झाले.